ലക്ഷദ്വീപ് സ്‌കൂൾ കായികമേളക്ക് വർണാഭമായ തുടക്കം

ലക്ഷദ്വീപ് അഡ്മിനിസ്‌ട്രേറ്റർ 29 മത് ലക്ഷദ്വീപ് സ്‌കൂൾ കായിക മേളക്ക് ഔദ്യോഗികമായി തുടക്കം കുറിച്ചു. ഇന്ന് ഉച്ചക്ക് നടന്ന ചടങ്ങിൽ നിരവധി കലാപ്രകടനങ്ങൾ അരങ്ങേറിയ വർണാഭമായ ചടങ്ങിനു ശേഷമായിരുന്നു ലക്ഷദ്വീപ് അഡ്മിനിസ്‌ട്രേറ്റർ മിഹിർ വർദ്ദൻ ഐ.എ. എസ് മേളക്ക് ഉത്ഘാടനകർമ്മം നിർവഹിച്ചത്. ലക്ഷദ്വീപ് എം.പി പി.പി മുഹമ്മദ് ഫൈസൽ അദ്ധ്യക്ഷത വഹിച്ച ചടങ്ങിൽ ലക്ഷദ്വീപിലെ പ്രമുഖവ്യക്തികൾ എല്ലാം അണിനിരന്നു.

ഉത്ഘാടന കർമത്തിനു മുമ്പ് കായിക മേളയുടെ ലോഗോ രൂപകൽപ്പന ചെയ്ത മുഹമ്മദ് സലീം കൈതാടിന് ഉപഹാരവും നൽകി. അതോടൊപ്പം ലക്ഷദ്വീപിലെ കായികമേഖലക്ക് വളരെ നിർണായക സംഭാവനകൾ നൽകിയ ഈ കൊല്ലം സർവീസിൽ നിന്നു വിരമിക്കുന്ന കായിക അധ്യാപകർ ആയ പി.പി സീതി ഹാജി, കെ.കെ ഹുസൈൻ, കെ ഖാദർ കോയ, എ തങ് കോയ തുടങ്ങിയവരെ ചടങ്ങിൽ ആദരിക്കുകയും ചെയ്തു. കായിക താരങ്ങളുടെ മാർച്ച് പാസ്സും നല്ല കാഴ്ചയായി മാറി. ഇനി 10 ദിവസത്തേക്ക് ലക്ഷദ്വീപിലെ ചാമ്പ്യന്മാർ ആവാനുള്ള ശ്രമം ആവും താരങ്ങൾ നടത്തുക.

Previous articleപാണ്ഡ്യക്കും പരിക്ക്, ദീർഘ കാലം പുറത്തിരിക്കേണ്ടി വരും
Next article400 മീറ്റർ ഹർഡിൽസിൽ സ്വർണം നേടി നോർവീജിയൻ താരം