വനിതകളുടെ 1500 മീറ്ററിൽ ലോകറെക്കോർഡ് കുറിച്ചതിനു പിറകെ ഒരാഴ്ചക്ക് ഉള്ളിൽ 5000 മീറ്ററിലും ലോകറെക്കോർഡ് കുറിച്ചു കെനിയൻ താരം ഫെയ്ത്ത് കിപ്യഗോൺ. പാരീസ് ഡയമണ്ട് ലീഗിൽ 5000 മീറ്റർ 14 മിനിറ്റ് 5.20 സെക്കന്റിൽ ആണ് കെനിയൻ താരം ഓടി എത്തിയത്. അവസാന ലാപ് വെറും 60 സെക്കന്റിൽ ആണ് കെനിയൻ താരം ഓടിയെത്തിയത്.
കഴിഞ്ഞ ആഴ്ച 1500 മീറ്റർ റെക്കോർഡ് തകർത്ത താരം ഇന്നലെ പാരീസിൽ 5000 മീറ്റർ റെക്കോർഡ് പഴയ കഥയാക്കി. നിലവിൽ കരിയറിലെ ഏറ്റവുക മികച്ച ഫോമിൽ ആണ് താരം. അതേസമയം പുരുഷന്മാരുടെ 3000 മീറ്റർ സ്റ്റീപ്പിൾചേസിൽ എത്യോപ്യൻ താരം ലമേച ഗിർമ ലോകറെക്കോർഡ് തിരുത്തി. 7 മിനിറ്റ് 52.11 സെക്കന്റിൽ ഓടിയെത്തിയാണ് താരം പുതിയ ലോക റെക്കോർഡ് ഡയമണ്ട് ലീഗിൽ കുറിച്ചത്.
