ചെക്ക് റിപ്പബ്ളിക്കിൽ നടക്കുന്ന ക്ളഡ്നോ മെമ്മോറിയൽ അത്ലറ്റിക്സ് മീറ്റിൽ 400 മീറ്റർ വിഭാഗത്തിൽ സ്വർണം നേടി മലയാളിയായ മുഹമ്മദ് അനസ്. തന്റെ തന്നെ പേരിലുള്ള ദേശീയ റെക്കോർഡ് മറികടന്നാണ് അനസ് സ്വർണം സ്വന്തമാക്കിയത്. 24കാരനായ അനസ് 45.21 സെക്കന്റിൽ ഓടിയെത്തിയാണ് സ്വർണം സ്വന്തമാക്കിയത്. 46.19 സെക്കന്റിൽ ഓടിയെത്തിയ പോളണ്ടിന്റെ ഒമേൽക്കോ റാഫേൽ ആണ് വെള്ളി മെഡൽ സ്വന്തമാക്കിയത്.
നിലവിൽ 45.24 സെക്കന്റിൽ ഉണ്ടായിരുന്ന തന്റെ തന്നെ റെക്കോർഡാണ് അനസ് മറികടന്നത്. അനസിനെ കൂടാതെ 200 മീറ്റർ വിഭാഗത്തിൽ ഹിമ ദാസിനും സ്വർണം ലഭിച്ചിട്ടുണ്ട്. 23.43 സെക്കന്റിൽ ഓടിയെത്തിയാണ് ഹിമ സ്വർണം കരസ്ഥമാക്കിയത്.
