രണ്ട് തവണ ഒളിമ്പിക്‌സ് മെഡൽ ജേതാവായ ഇന്ത്യൻ ബാഡ്മിന്റൺ താരം പിവി സിന്ധു ഏഷ്യൻ ഗെയിംസിൽ ക്വാർട്ടറിലേക്ക് പ്രവേശിച്ചു. നേരിട്ടുള്ള ഗെയിം വിജയത്തോടെ ആണ് ബാഡ്മിന്റണിലെ വനിതാ സിംഗിൾസ് ക്വാർട്ടർ ഫൈനലിലേക്ക് സിന്ധു എത്തിയത്. പുത്രി കുസുമ വർദാനിക്കെതിരെ 21-16, 21-16 എന്ന സ്കോറിന് ആണ് പ്രീക്വാർട്ടറിൽ സിന്ധു വിജയിച്ചത്‌.
ക്വാർട്ടർ ഫൈനലിൽ ചൈനയുടെ ഹി ബിംഗ്ജിയാവോയ്‌ക്കെതിരെ സിന്ധു കളിക്കുക. നേപ്പാളിന്റെ രസില മഹാർജനെതിരെ 21-10, 21-4 എന്ന സ്കോറിന് വിജയിച്ചാണ് ബിങ്ജിയാവോ ക്വാർട്ടറിൽ എത്തിയത്.
