കോമൺവെൽത്ത്, ഏഷ്യൻ ഗെയിംസ് ചാമ്പ്യൻ വിനേഷ് ഫോഗട്ട്, ഏഷ്യൻ ഒളിമ്പിക് യോഗ്യതാ മത്സരത്തിൽ വനിതകളുടെ 50 കിലോഗ്രാം സെമിഫൈനലിൽ കസാക്കിസ്ഥാൻ്റെ ലോറ ഗനിക്കിസിയെ 10-0ന് തോൽപ്പിച്ച് വനിതകളുടെ 50 കിലോ വിഭാഗത്തിൽ ഒളിമ്പിക് ക്വാട്ട നേടി. ഇതോടെ താരം പാരീസ് ഒളിമ്പിക്സിൽ ഇന്ത്യയെ പ്രതിനിധീകരിക്കും എന്ന് ഉറപ്പായി.
കോമൺവെൽത്ത്, ഏഷ്യൻ ഗെയിംസ് ചാമ്പ്യനായ ഫോഗട്ട്, കസാഖ് ഗുസ്തിക്കാരിക്കു മേൽ ടെക്നിക്കൽ അഡ്വാന്റേജ് നേടി. 4:18 മിനിറ്റിനുള്ളിൽ മത്സരം അവസാനിച്ചു. ചൈനീസ് തായ്‌പേയിയുടെ മെങ് ഹ്‌സുവാൻ ഹ്‌സിയെ 4-2ന് പരാജയപ്പെടുത്തിയ ഉസ്‌ബെക്കിസ്ഥാൻ്റെ അക്‌ടെൻഗെ കെയുനിംജേവയെയാണ് ഇനി ഫോഗട്ട് നേരിടുക.
രണ്ട് വർഷത്തോളമായി മുൻ ഡബ്ല്യുഎഫ്ഐ പ്രസിഡൻ്റ് ബ്രിജ് ഭൂഷൺ സരൺ സിങ്ങിനെതിരെ പ്രതിഷേധത്തിലായിരുന്നതിനേൽ വിനേഷ് കളത്തിൽ ഉണ്ടായിരുന്നില്ല.
