ഒളിമ്പിക് ബീച്ച് വോളിബോൾ പുരുഷ വിഭാഗത്തിൽ സ്വർണം നേടി നോർവേ. ആന്ദ്രസ് മോൾ, ക്രിസ്റ്റിയൻ സോറം എന്നിവർ അടങ്ങിയ ടീം ആണ് റഷ്യൻ ഒളിമ്പിക് കമ്മിറ്റിയുടെ ക്രാൻസിൽകോവ്, ഒലഗ് സഖ്യത്തെ വീഴ്ത്തി സ്വർണം സ്വന്തമാക്കിയത്.
21-17, 21-18 എന്ന നേരിട്ടുള്ള സ്കോറിന് ആണ് നോർവേ ടീം ജയം കണ്ടത്. അതേസമയം അഹ്മദ്, ഷെരീഫ് സഖ്യം ഖത്തറിനു വെങ്കലം സമ്മാനിച്ചു. ലാത്വിയ സഖ്യമായ മാർട്ടിൻസ്, എഡ്ഗാർസ് സഖ്യത്തെ 21-12,21-18 നു ആണ് ഖത്തർ സഖ്യം തോൽപ്പിച്ചത്.
