ഫ്രഞ്ച് മൈക്കിൾ ഫെൽപ്സ് എന്ന വിളിക്ക് നീതി പുലർത്തി സ്വന്തം നാട്ടിൽ നീന്തൽ കുളത്തിൽ നിന്നു നാലു സ്വർണം നീന്തിയെടുത്തു ലിയോൺ മാർചാന്ദ്. ഇന്ന് പുരുഷന്മാരുടെ 200 മീറ്റർ മെഡലയിൽ സ്വർണം നേടിയ താരം ഇതിനകം തന്നെ 200 മീറ്റർ ബട്ടർ ഫ്ലെ, 200 മീറ്റർ ബ്രസ്റ്റ്സ്ട്രോക്, 400 മീറ്റർ മെഡല ഇനങ്ങളിലും സ്വർണം നേടിയിട്ടുണ്ട്.
ഒളിമ്പിക് ചരിത്രത്തിൽ ഒരു ഒളിമ്പിക്സിൽ നാലു വ്യക്തിഗത സ്വർണ മെഡലുകൾ നേടുന്ന വെറും മൂന്നാമത്തെ മാത്രം പുരുഷ താരമാണ് ലിയോൺ. സാക്ഷാൽ മൈക്കിൾ ഫെൽപ്സും മാർക്ക് സ്പിറ്റ്‌സും ആണ് ഇത് വരെ ഈ നേട്ടം കൈവരിച്ച മറ്റ് താരങ്ങൾ. നീന്തൽ കുളത്തിൽ അക്ഷരാർത്ഥത്തിൽ നാട്ടുകാരുടെ പ്രിയപ്പെട്ട താരമായിരിക്കുക ആണ് ഈ 22 കാരൻ.
