ജയിച്ച് തുടങ്ങി ഇന്ത്യ, സ്പെയിനിനെതിരെ രണ്ട് ഗോളിന്റെ ഏകപക്ഷീയമായ വിജയം

Indiaspainhocke

ഒഡീഷയിൽ നടക്കുന്ന ഹോക്കി ലോകകപ്പിൽ വിജയിച്ച് തുടങ്ങി ഇന്ത്യ. ഇന്ന് നടന്ന പൂള്‍ ഡി മത്സരത്തിൽ ഇന്ത്യ സ്പെയിനിനെ 2-0 എന്ന സ്കോറിനാണ് പരാജയപ്പെടുത്തിയത്. 12ാം മിനുട്ടിൽ പെനാള്‍ട്ടി കോര്‍ണര്‍ ഗോളാക്കി മാറ്റി അമിത് രോഹിദാസ് ആണ് ഇന്ത്യയ്ക്ക് ലീഡ് നേടിക്കൊടുത്തത്. 26ാം മിനുട്ടിൽ ഹാര്‍ദ്ദിക് സിംഗ് ഫീൽഡ് ഗോളിലൂടെ ഇന്ത്യയുടെ ലീഡ് രണ്ടാക്കി ഉയര്‍ത്തി. പിന്നീടുള്ള ഇരു ക്വാര്‍ട്ടറുകളിലും ഇന്ത്യയ്ക്കോ സ്പെയിനിനോ ഗോള്‍ നേടുവാന്‍ സാധിക്കാതെ പോയപ്പോള്‍ ഇന്ത്യ മത്സരം സ്വന്തമാക്കി.

Indiaspainhockey2

ഇന്നത്തെ ആദ്യ മത്സരത്തിൽ അര്‍ജന്റീന ദക്ഷിണാഫ്രിക്കയെ 1-0 ന് പരാജയപ്പെടുത്തിയപ്പോള്‍ പൂള്‍ എയിലെ തന്നെ രണ്ടാം മത്സരത്തിൽ ഫ്രാന്‍സിനെതിരെ ഗോള്‍ മഴ തീര്‍ത്താണ് ഓസ്ട്രേലിയ ലോകകപ്പ് പര്യടനം ആരംഭിച്ചത്. 8-0 എന്ന സ്കോറിനായിരുന്നു ഓസ്ട്രേലിയയുടെ വിജയം.

പൂള്‍ ഡിയിലെ മറ്റൊരു മത്സരത്തിൽ ഇംഗ്ലണ്ട് വെയിൽസിനെ 5-0 എന്ന സ്കോറിന് പരാജയപ്പെടുത്തി.