വീണ്ടും ഇന്ത്യ, സ്പെയിനിനെതിരെ 5-1ന്റെ വിജയം

ബെല്‍ജിയം ടൂറിലെ തങ്ങളുടെ മൂന്നാം വിജയം കരസ്ഥമാക്കി ഇന്ത്യന്‍ പുരുഷ താരങ്ങള്‍. ഇന്നലെ നടന്ന മത്സരത്തില്‍ 5-1ന്റെ വിജയമാണ് സ്പെയിനിനെതിരെ ഇന്ത്യ നേടിയത്. കഴിഞ്ഞ മത്സരത്തില്‍ 6-1 എന്ന സ്കോറിനാണ് ഇന്ത്യ ജയം സ്വന്തമാക്കിയത്. 3ാം മിനുട്ടില്‍ ഇഗ്ലേസിയാസ് അല്‍വാരോ നേടിയ ഗോളില്‍ ഇന്ത്യയെ സ്പെയിന്‍ ഞെട്ടിച്ചുവെങ്കിലും രണ്ട് മിനുട്ടുകള്‍ക്ക് ശേഷം ആകാശ്ദീപ് സിംഗ് ഇന്ത്യയുടെ സമനില ഗോള്‍ കണ്ടെത്തി. 20ാം മിനുട്ടില്‍ എസ്‍വി സുനില്‍ നേടിയ ഗോളില്‍ ഇന്ത്യ ആദ്യ പകുതി അവസാനിച്ചപ്പോള്‍ 2-1ന് മുന്നിലായിരുന്നു.

രണ്ടാം പകുതിയില്‍ ഇന്ത്യ ആധികാരികവും ഏകപക്ഷീയവുമായ പ്രകടനമാണ് പുറത്തെടുത്തത്. 35ാം മിനുട്ടില്‍ രമണ്‍ദീപ് സിംഗ്, 41, 51 മിനുട്ടില്‍ ഹര്‍മ്മന്‍പ്രീത് സിംഗ് എന്നിവരുടെ ഗോളുകളാണ് ഇന്ത്യയുടെ പട്ടിക പൂര്‍ത്തിയാക്കിയത്.