വീണ്ടും വിജയക്കൊടി പാറിച്ച് ലൂയിസ് ഹാമിള്‍ട്ടണ്‍. ഈ സീസണില്‍ തന്നെ മറികടക്കുവാന്‍ ആര്‍ക്കും ഇനിയാകില്ലെന്ന് ഉറപ്പിച്ചുകൊണ്ട് 67 പോയിന്റ് ലീഡാണ് ചാമ്പ്യന്‍ഷിപ്പില്‍ ഹാമിള്‍ട്ടണ്‍ വെറ്റലിനു മേല്‍ നേടിക്കഴിഞ്ഞത്. ഹാമിള്‍ട്ടണിനു പിറകിലായി മെഴ്സിഡസിന്റെ തന്നെ വാള്‍ട്ടേരി ബോട്ടാസ് രണ്ടാം സ്ഥാനത്തെത്തിയപ്പോള്‍ റെഡ് ബുള്ളിന്റെ മാക്സ് വെര്‍സ്റ്റാപ്പന്‍ മൂന്നാം സ്ഥാനത്തെത്തി.

വെറ്റലും വെര്‍സ്റ്റാപ്പെനും കൂട്ടിയിടിച്ചതാണ് വെറ്റലിന്റെ സാധ്യതകളെ ബാധിച്ചിരുന്നതെങ്കിലും മത്സരത്തിനു മുമ്പ് തന്നെ 50 പോയിന്റ് ലീഡ് കൈവശപ്പെടുത്തിയിരുന്ന ഹാമിള്‍ട്ടണിനു യാതൊരുവിധത്തിലുള്ള പ്രശ്നങ്ങളും സൃഷ്ടിക്കാന്‍ വെറ്റലിനൊ മറ്റു ഡ്രൈവര്‍മാര്‍ക്കോ ആയിരുന്നില്ല. രണ്ട് ആഴ്ചകള്‍ക്ക് ശേഷമുള്ള യുഎസ് ഗ്രാന്‍ഡ് പ്രീയില്‍ ഒന്ന് രണ്ട് സ്ഥാനങ്ങളില്‍ മെഴ്സിഡസ് കാറുകള്‍ റേസ് അവസാനിപ്പിച്ചാല്‍ ഈ സീസണ്‍ കിരീടവും ഹാമിള്‍ട്ടണ് സ്വന്തമാകും.

Loading...