ഇങ്ങനെ ഒക്കെ ഗോളടിക്കാമോ!! 15 ഗോൾ ജയവുമായി ലോർഡ്സ് എഫ് എ, ഇന്ദുമതിക്ക് മാത്രം 9 ഗോളുകൾ | Report

കേരള വനിതാ ലീഗിൽ ഇന്നലെ കണ്ടത് ഗോൾ മഴ അല്ല പേമാരി ആയിരുന്നു. ലോർഡ്സ് എഫ് എയും എമിറേറ്റ്സ് എഫ് സിയും തമ്മിൽ എറണാകുളം മഹാരാജാസ് സ്റ്റേഡിയത്തിൽ വെച്ച് നടന്ന മത്സരത്തിൽ എതിരില്ലാത്ത 15 ഗോളുകളുടെ വിജയം ആണ് ലോർഡ്സ് നേടിയത്. ഈ സീസൺ കേരള വിമൻസ് ലീഗിലെ ഏറ്റവും വലിയ വിജയമാണിത്. ഇന്ന് ഇന്ദുമതി മാത്രം ലോർഡ്സിന് വേണ്ടി 9 ഗോളുകൾ നേടി.

ലോർഡ്സ് എഫ് എ

ഇരു ദയയും ഇന്ന് ലോർഡ്സിന്റെ ഭാഗത്ത് നിന്ന് ഉണ്ടായില്ല. ആദ്യ പകുതിയിൽ തന്നെ 9 ഗോളിന് ലോർഡ്സ് മുന്നിൽ എത്തി. 3,7,10, 24, 38, 43, 45, 58, 85 എന്നീ മിനുട്ടുകളിൽ ആയിരുന്നു ഇന്ദുമതിയുടെ ഗോളുകൾ. ആദ്യമായാണ് കേരള വനിതാ ലീഗിൽ ഒരു മത്സരത്തിൽ ഒരു താരം ഇത്രയും ഗോളുകൾ അടിക്കുന്നത്‌. ഇന്ദുമതിയെ കൂടാതെ കാർത്തികയും വിൻ തുങ്ങും ഇരട്ട ഗോളുകൾ വീതം നേടി. മിനയും അതുല്യയും ഒരോ ഗോൾ വീതവും നേടി.

Img 20220819 Wa0069

മൂന്ന് മത്സരങ്ങളിൽ നിന്ന് ലോർഡ്സിന് 7 പോയിന്റ് ഉണ്ട്. എമിറേറ്റ് കളിച്ച എല്ലാ മത്സരങ്ങളും പരാജയപ്പെട്ടു.