ഇന്ത്യൻ വനിതാ ലീഗ്, സേതു എഫ് സിക്കും വലിയ വിജയം

ഇന്ത്യൻ വനിതാ ലീഗിൽ സേതു എഫ് സിയും വലിയ വിജയത്തോടെ സീസൺ ആരംഭിച്ചു. ഇന്ന് മാതാ രുകമണി എഫ് സിയെ നേരിട്ട സേതു എഫ് സി ഒന്നിനെതിരെ ആറ് ഗോളുകളുടെ വിജയമാണ് നേടിയത്. ഇന്ന് ആദ്യ ഏഴു മിനുട്ടിൽ തന്നെ സേതു എഫ് സി രണ്ട് ഗോളുകൾക്ക് മുന്നിലെത്തി. അഞ്ജു തമാംഗും എലിസബത്തും ആണ് തുടക്കത്തിൽ തന്നെ ഗോളുകൾ നേടിയത്. 15ആം മിനുട്ടിൽ മരിയമ്മാളിലൂടെ മൂന്നാം ഗോൾ വന്നു.

24ആം മിനുട്ടിൽ സഞ്ജുവിലൂടെ ആയിരുന്നു നാലാം ഗോൾ. പിന്നാലെ ഗ്രേസിലൂടെ അഞ്ചാം ഗോളും വന്നു. ആദ്യ പകുതി 5-0ന് അവസാനിച്ചു. രണ്ടാം പകുതിയിൽ രേണുവിലൂടെ അവർ ആറാം ഗോളും നേടി.