ഹീറോ ഇന്ത്യൻ വനിതാ ലീഗിൽ ഭുവനേശ്വറിലെ കാപിറ്റൽ ഗ്രൗണ്ടിൽ അരഎഫ്‌സിയെ നേരിട്ട AIFF-ന്റെ ഡെവലപ്‌മെന്റ് ടീമായ ഇന്ത്യൻ ആരോസിന് മികച്ച വിജയം. ഇന്ന് 3-1 വിജയമാണ് അവർ സ്വന്തമാക്കിയത്. ആദ്യ പകുതിയുടെ അവസാനം മുസ്കാൻ സുബ്ബയാണ് ആരോസിന് ലീഡ് നൽകിയത്‌. രണ്ടാം പകുതിയിൽ അപുർണ നർസാരിയും പ്രിയങ്ക ദേവിയും ഗോൾ നേടി ആരോസിന്റെ വിജയം ഉറപ്പിച്ചു.
ഈ വിജയത്തോടെ ഇന്ത്യൻ ആരോസ് ഹീറോ ഐഡബ്ല്യുഎല്ലിൽ 9 മത്സരങ്ങളിൽ നിന്ന് 19 പോയിന്റുമായി മൂന്നാം സ്ഥാനത്ത് നിൽക്കുകയാണ്.
