ലീഡ്സ് യുണൈറ്റഡിന്റെ ബ്രസീലിയൻ അറ്റാക്കിങ് താരം റഫീനയെ സ്വന്തമാക്കാനുള്ള ശ്രമങ്ങൾ ബാഴ്സലോണ സജീവമാക്കുന്നു. താരവുമായി ബാഴ്സലോണ കരാർ ധാരണയിൽ എത്തിയതായാണ് റിപ്പോർട്ടുകൾ വരുന്നത്. ഇനി ലീഡ്സ് യുണൈറ്റഡിന്റെ പ്രീമിയർ ലീഗിലെ ഭാവി പോലെയാകും റഫീനയുടെ നീക്കം. ലീഡ്സ് യുണൈറ്റഡ് റിലഗേറ്റ് ചെയ്യപ്പെടുക ആണെങ്കിൽ റഫീനയുടെ റിലീസ് ക്ലോസ് 25 മില്യൺ യൂറോ ആയി കുറയും. അതിനായി കാത്തിരിക്കുകയാണ് ബാഴ്സലോണ അടക്കമുള്ള ക്ലബുകൾ.
2020 സീസൺ തുടക്കത്തിൽ ആയിരുന്നു റഫീന ലീഡ്സ് യുണൈറ്റഡിൽ എത്തിയത്. ലീഡ്സ് പലപ്പോഴും സ്ഥിരതയില്ലാത്ത പ്രകടനങ്ങൾ നടത്തുമ്പോഴുൻ റഫീന മികച്ചു നിൽക്കുന്നത് കാണാൻ ആയി. താരം ബ്രസീൽ ദേശീയ ടീമിലും സ്ഥിര സാന്നിദ്ധ്യമായി മാറിയിരുന്നു. മുമ്പ് ഫ്രഞ്ച് ക്ലബായ റെന്നെ, പോർച്ചുഗൽ ക്ലബായ സ്പോർടിങ് എന്നിവയ്ക്കായും റഫീന കളിച്ചിട്ടുണ്ട്.
