മാഞ്ചസ്റ്റർ യുണൈറ്റഡിന്റെ യുവ വിങ്ങർ തഹിത് ചോങ് ഇനി ക്ലബിനൊപ്പം ഇല്ല. ചോങ്ങിനെ ചാമ്പ്യൻഷിപ്പ് ക്ലബായ ബർമിങ്ഹാം സ്ഥിര കരാറിൽ സ്വന്തമാക്കി. കഴിഞ്ഞ വർഷം ലോണിൽ ചോങ് ബർമിങ്ഹാമിനായി കളിച്ചിരുന്നു.
ഒരു സീസൺ മുമ്പ് സീസണിൽ താരം ജർമ്മൻ ക്ലബായ വെർഡർ ബ്രെമനിലും ബെൽജിയം ക്ലബായ ക്ലബ് ബ്രുഷെയിലും ലോണിൽ പോയിരുന്നു. 22കാരനായ താരം യുണൈറ്റഡിനൊപ്പം പ്രീസീസൺ ടൂറിൽ ഉണ്ടായിരുന്നു. യുണൈറ്റഡിനു വേണ്ടി 19 മത്സരങ്ങൾ ചോങ് കളിച്ചിട്ടുണ്ട്. 2016ൽ ആണ് ചോങ്ങ് യുണൈറ്റഡിൽ എത്തിയത്.
