റെഗുയിലോൺ സ്പർസ് വിട്ട് അത്ലറ്റിക്കോ മാഡ്രിഡിലേക്ക്

20220828 064751

ഇംഗ്ലീഷ് പ്രീമിയർ ലീഗ് ക്ലബായ സ്പർസിന്റെ ഫുൾബാക്കായ റെഗുയിലോൺ ലോണിൽ പോകും. സ്പാനിഷ് ക്ലബായ അത്ലറ്റിക്കോ മാഡ്രിഡ് ആകും താരത്തെ സൈൻ ചെയ്യുന്നത്. റെനാൻ ലോദി നോട്ടിങ്ഹാം ഫോറസ്റ്റിലേക്ക് പോകുന്നതിന് പകരക്കാരനായാണ് റെഗുയിലോണിനെ അത്ലറ്റിക്കോ സ്വന്തമാക്കുന്നത്. താരത്തെ ലോണിൽ അയക്കുന്ന സ്പർസ് ലോണിന് അവസാനം അത്ലയിക്കോ മാഡ്രിഡിന് താരത്തെ വാങ്ങാൻ അവസരം കൊടുക്കുന്നില്ല.

റയൽ മാഡ്രിഡിൽ നിന്ന് ആയിരുന്നു റെഗുയിലോൺ രണ്ട് വർഷം മുമ്പ് സ്പർസിലേക്ക് എത്തിയത്. സ്പർസിൽ പക്ഷെ ഇതുവരെ തന്റേതായ ഒരിടം കണ്ടെത്താൻ താരത്തിനായിരുന്നില്ല. റയലിൽ ആയിരിക്കെ സെവിയ്യയിൽ ലോണിൽ കളിച്ച് തിളങ്ങിയാണ് റെഗിയിലോൺ യൂറോപ്യൻ ഫുട്ബോളിൽ തന്റെ പേരു സമ്പാദിക്കുന്നത്.