സ്പാനിഷ് ഗോൾ കീപ്പർ സെർജിയോ റികോയെ പി എസ് ജി സ്വന്തമാക്കിം സെവിയ്യയുടെ താരമായ റികോയെ ലോൺ അടിസ്ഥാനത്തിലാണ് പി എസ് ജി സ്വന്തമാക്കിയിരിക്കുന്നത്. കഴിഞ്ഞ സീസണിലും സെവിയ്യ റികോയെ ലോണി വിട്ടിരുന്നു. കഴിഞ്ഞ സീസണിൽ ഇംഗ്ലീഷ് പ്രീമിയർ ലീഗ് ക്ലബായ ഫുൾഹാമിലായിരുന്നു താരം വലകാത്തത്. അവിടെ 29 ലീഗ് മത്സരങ്ങൾ അദ്ദേഹം കളിച്ചിരുന്നു.
ബുഫൺ ക്ലബ് വിട്ടതാ‌ണ് പുതിയ ഒരു ഗോൾകീപ്പറെ പി എസ് ജി ടീമിൽ എത്തിക്കാൻ കാരണം. 26കാരനായ താരം സെവിയ്യയുടെ യുവടീമുകളിലൂടെ തന്നെയാണ് വളർന്നു വന്നത്. സെവിയ്യയുടെ സീനിയർ ടീമിനൊപ്പം നൂറിലധികം മത്സരങ്ങൾ റികോ കളിച്ചിട്ടുണ്ട്. ലോണിനവസാനം പി എസ് ജിക്ക് റികോയെ വാങ്ങാനുള്ള ഉപാധി കരാറിൽ ഉണ്ട്‌.
