ചെൽസിയുടെ 19 കാരനായ ബ്രസീലിയൻ യുവതാരം ആന്ദ്ര സാന്റോസ് ഈ സീസണിൽ ലോണിൽ നോട്ടിങ്ഹാം ഫോറസ്റ്റിൽ ചേർന്നു. ഈ വർഷം ജനുവരിയിൽ ബ്രസീലിയൻ ക്ലബ് വാസ്കോ ഡി ഗാമയിൽ നിന്നു ചെൽസിയിൽ എത്തിയ താരം ലോണിൽ അവർക്ക് വേണ്ടി തന്നെയാണ് കഴിഞ്ഞ സീസണിൽ കളിച്ചത്.
2004 ൽ ജനിച്ച സാന്റോസിൽ വലിയ ഭാവിയാണ് ചെൽസി കാണുന്നത് എന്നതിനാൽ താരം ലോണിന് ശേഷം ക്ലബിൽ തിരിച്ചെത്തും. ബ്രസീലിയൻ ക്ലബിന് ആയി 49 മത്സരങ്ങളിൽ നിന്നു 9 ഗോളുകൾ നേടിയ മധ്യനിര താരം 2023 ൽ കോപ്പ അമേരിക്ക നേടിയ അണ്ടർ 20 ടീമിന്റെയും ഭാഗം ആയിരുന്നു. ഈ വർഷം ബ്രസീൽ ദേശീയ ടീമിന് ആയും താരം അരങ്ങേറിയിരുന്നു.
