ലിവർപൂൾ അറ്റാക്കിംഗ് താരം സാഡിയോ മാനേ ലിവർപൂൾ വിടാൻ തീരുമാനിച്ചു. നേരത്തെ തന്നെ താരം ക്ലബ് വിടുന്നതിനെ കുറിച്ച് സൂചനകൾ നൽകിയിരുന്നു. ഇപ്പോൾ ഫബ്രിസിയോ റൊമാനോ തന്നെ സാഡിയോ മാനെ ലിവർപൂൾ വിടുമെന്നുള്ള കാര്യം പ്രഖ്യാപിച്ചു. മാനെ ബയേണിലേക്ക് പോകും എന്നാണ് സൂചനകൾ. എന്നാൽ ഇതു സംബന്ധിച്ച് അന്തിമ തീരുമാനം ആയിട്ടില്ല.
യുവേഫ ചാമ്പ്യൻസ് ലീഗ് ഫൈനൽ കഴിയാൻ വേണ്ടി കാത്തിരിക്കുക ആയിരുന്നു മാനെ. 2016 മുതൽ ലിവർപൂളിന്റെ താരമാണ് മാനെ. സല കഴിഞ്ഞാൽ ലിവർപൂളിന്റെ അറ്റാക്കിലെ ഏറ്റവും പ്രധാന താരമായിരുന്നു മാനെ. സതാമ്പ്ടണിൽ നിന്നായിരുന്നു അദ്ദേഹം ലിവർപൂളിൽ എത്തിയത്. ഇനി ഇംഗ്ലീഷ് പ്രീമിയർ ലീഗിൽ മാനെ തുടരാനുള്ള സാധ്യത കുറവാണ്.
