റാഗ്നിക്ക് ഇനി മാഞ്ചസ്റ്റർ യുണൈറ്റഡിനൊപ്പം ഉണ്ടാകില്ല

20220529 214232

മാഞ്ചസ്റ്റർ യുണൈറ്റഡ് താൽക്കാലിക പരിശീലകനായിരുന്ന റാൾഫ് റാഗ്നിക്ക് ക്ലബ് വിടുന്നു. ടെൻ ഹാഗ് വന്നതോടെ ടീമിൽ കൺസൾട്ടന്റ് റോളിൽ ഉണ്ടാകും എന്നാണ് നേരത്തെ റാഗ്നിക്കും ക്ലബും അറിയിച്ചിരുന്നത്. എന്നാൽ റാഗ്നിക്ക് ഓസ്ട്രിയൻ പരിശീലകനായി ചുമതലയേൽക്കാൻ തീരുമാനിച്ചതിനാൽ യുണൈറ്റഡിൽ തുടർന്ന് പ്രവർത്തിക്കാൻ ആകില്ല എന്ന് അറിയിച്ചു.

ഒലെ ഗണ്ണാർ സോൾഷ്യറിനെ മാഞ്ചസ്റ്റർ യുണൈറ്റഡ് പുറത്താക്കിയപ്പോൾ ആയിരുന്നു താൽക്കാലിക പരിശീലകനായി റാഗ്നിക്ക് എത്തിയത്. റാഗ്നിക്കിന്റെ കീഴിൽ മാഞ്ചസ്റ്റർ യുണൈറ്റഡിന് ദയനീയ പ്രകടനം മാത്രമെ കാഴ്ചവെക്കാൻ ആയുള്ളൂ. ചാമ്പ്യൻസ് ലീഗിൽ നിന്ന് വേഗം പുറത്താവുകയും അടുത്ത ചാമ്പ്യൻസ് ലീഗ് യോഗ്യത നേടാൻ ആവുകയും ചെയ്തിരുന്നില്ല. മാഞ്ചസ്റ്റർ യുണൈറ്റഡ് പരിശീലകനായിരിക്കെ റാഗ്നിക്ക് നടത്തിയ പല പ്രസ്താവനകളും വിവാദമാവുകയും ചെയ്തിരുന്നു.

Previous articleസാഡിയോ മാനേ ലിവർപൂൾ വിടാൻ തീരുമാനിച്ചു
Next articleഹാര്‍ദ്ദിക്കിന്റെ മിന്നും ബൗളിംഗ് പ്രകടനം, ഫൈനലിൽ രാജസ്ഥാന്‍ ബാറ്റിംഗിന് താളം തെറ്റി, മതിയാകുമോ 130 റൺസ്?