ക്രൊയേഷ്യൻ താരം ഇവാൻ റാകിറ്റിച് ഇനി സൗദി അറേബ്യയിൽ. സൗദി ക്ലബായ അൽ ശബാബിലേക്ക് ആകും റാകിറ്റിച് പോകുന്നത്. റാകിറ്റിച് സെവിയ്യയോട് താൻ ക്ലബ് വിടുകയാണെന്ന് അറിയിച്ചിട്ടുണ്ട്. അടുത്ത ദിവസങ്ങളിൽ തന്നെ റാകിറ്റിച് സൗദി അറേബ്യയിലേക്ക് യാത്ര തിരിച്ച് മെഡിക്കൽ പൂർത്തിയാക്കും.
മുൻ ബാഴ്സലോണ മിഡ്ഫീൽഡറായ ഇവാൻ റാകിറ്റിച് അവസാന മൂന്ന് സീസണുകളായി സെവിയ്യക്ക് ഒപ്പം ഉണ്ട്. 35 വയസുകാരനായ താരം സെവിയ്യക്ക് ഒപ്പം മുമ്പും 3 സീസൺ കളിച്ചിട്ടുണ്ട്. ബാഴ്സക്ക് ഒപ്പം 4 ല ലീഗയും, കോപ്പ ഡെൽ റെയും, ചാമ്പ്യൻസ് ലീഗും ക്ലബ്ബ് ലോകകപ്പും നേടിയിട്ടുണ്ട്. ദീർഘകാലം ക്രൊയേഷ്യൻ ദേശീയ ടീമിലെ പ്രധാന താരമായിരുന്നു.
