ഇന്ത്യയിലെ ഏറ്റവും മികച്ച യുവതാരങ്ങളിൽ ഒന്നായ നൊങ്ഡംബ നയോറം ഈ വരുന്ന സീസണിൽ മോഹൻ ബഗാനിൽ കളിക്കും. കേരള ബ്ലാസ്റ്റേഴ്സിന്റെ താരമായ നൊങഡംബയെ ലോൺ അടിസ്ഥാനത്തിലാണ് മോഹൻ ബഗാൻ സ്വന്തമാക്കിയിരിക്കുന്നത്. അടുത്ത സീസൺ ഐലീഗിനു വേണ്ടി ഗംഭീര ഒരുക്കമാണ് മോഹൻ ബഗാൻ നടത്തുന്നത്. എഫ് സി ഗോവയുടെ യുവതാരമായ അമീർ ഖാനെയും ഇന്ന് ബഗാൻ സ്വന്തമാക്കിയിരുന്നു.
19കാരനായ നയോറം കഴിഞ്ഞ സീസൺ മുതൽ കേരള ബ്ലാസ്റ്റേഴ്സിന്റെ താരമാണ്. ഇന്ത്യക്കായി അണ്ടർ 17 ലോകകപ്പ് കളിച്ച താരങ്ങളിൽ ഒന്നാണ് നൊങ്ഡൊംബ. മുമ്പ് മിനേർവ പഞ്ചാബിന്റെ യൂത്ത് ടീമുകൾക്കായും താരം കളിച്ചിട്ടുണ് മികച്ച പന്തടക്കമുള്ള താരം വിങ്ങുകളിലും നമ്പർ 10 പൊസിഷനികും കളിക്കാൻ കഴിവുള്ള ആളാണ്‌.
