എ.സി മിലാൻ മധ്യനിര താരം സാന്ദ്രോ ടൊണാലിക്ക് ആയി ന്യൂകാസ്റ്റിൽ യുണൈറ്റഡ് 50 മില്യൺ യൂറോയുടെ ആദ്യ ഓഫർ മുന്നോട്ട് വച്ചു. നേരത്തെ ഇന്റർ മധ്യനിര താരം നികോള ബരേല്ലക്ക് ആയും ന്യൂകാസ്റ്റിൽ രംഗത്ത് വന്നിരുന്നു. ചാമ്പ്യൻസ് ലീഗ് യോഗ്യത നേടിയ ന്യൂകാസ്റ്റിൽ ടീം ശക്തമാക്കാൻ ആണ് ഒരുങ്ങുന്നത്.
എന്നാൽ താരത്തിന് ആയി ഇതിലും വലിയ തുക എ.സി മിലാൻ പ്രതീക്ഷിക്കുന്നു എന്നാണ് സൂചന. അതിനാൽ തന്നെ ഈ ഓഫർ അവർ തള്ളിക്കളയാൻ ആണ് സാധ്യത. അതേസമയം 23 കാരനായ ഇറ്റാലിയൻ താരത്തിന് ആയി ചെൽസിയും താൽപ്പര്യം കാണിച്ചിട്ടുണ്ട്. എന്നാൽ ഇത് വരെ ഔദ്യോഗികമായി ചെൽസി മിലാനെ സമീപിച്ചിട്ടില്ല.
