അൽ ഹിലാൽ അവരുടെ വലിയ ട്രാൻസ്ഫറുകൾ തുടരുന്നു. സെവിയ്യയുടെ മൊറോക്കോ ഗോൾ കീപ്പർ യാസ്സിൻ ബോണോയും ഇപ്പോൾ അൽ ഹിലാലിൽ എത്തിയിരികുകയാണ്. 21 മില്യൺ യൂറോയുടെ ട്രാൻസ്ഫറിൽ ആണ് അൽ ഹിലാൽ താരത്തെ സ്വന്തമാക്കുന്നത്. മൂന്നു വർഷത്തെ കരാർ ബോണോ അൽ ഹിലാലിൽ ഒപ്പുവെക്കും. ഇന്നലെ സൂപ്പർ കപ്പ് ഫൈനലിൽ ബോണോ സെവിയ്യക്ക് ആയി ഇറങ്ങിയിരുന്നു. അതാകും താരത്തിന്റെ സെവിയ്യക്ക് ആയുള്ള അവസാന മത്സരം.
45 മില്യൺ യൂറോ ആണ് അൽ ഹിലാൽ മൊറോക്കോയുടെ ലോകകപ്പ് ഹീറോക്ക് വേതനമായി നൽകും. നെയ്മറിനെയും ബോണോയെയും സ്വന്തമാക്കിയ അൽ ഹിലാൽ ഇനി അടുത്തതായി മിട്രോവിചിനെ ടീമിൽ എത്തിക്കും.
നേരത്തെ താരത്തിന് ആയി രംഗത്ത് ഉണ്ടായിരുന്ന ജർമ്മൻ ചാമ്പ്യന്മാർ ആയ ബയേൺ മ്യൂണിക് സൗദി ക്ലബിന് മുന്നിൽ പരാജയം സമ്മതിച്ചു പിന്മാറുക ആയിരുന്നു. കാനഡയിൽ ജനിച്ച മൊറോക്കോ ഒന്നാം നമ്പർ ഗോൾ കീപ്പർ ആയ 32 കാരനായ ബോനോ ലാ ലീഗ ക്ലബുകൾ ആയ ജിറോണ, സെവിയ്യ ടീമുകൾക്ക് ആണ് കൂടുതൽ മത്സരങ്ങൾ കളിച്ചത്. മൊറോക്കോക്ക് ഒപ്പം 54 കളികൾ കളിച്ച താരം സെവിയ്യയുടെ 2 യൂറോപ്പ ലീഗ് വിജയങ്ങളിലും ഭാഗമായി.
