ഇംഗ്ലീഷ് പ്രീമിയർ ലീഗ് ക്ലബ്ബ് ലെസ്റ്റർ സിറ്റി പുതിയ ഡിഫൻഡറെ ടീമിൽ എത്തിച്ചു. 21 വയസുകാരനായ ജസ്റ്റിൻ ജെയിംസ് ആണ് ഫോക്‌സസിന്റെ പുത്തൻ സൈനിംഗ്. ല്യൂട്ടൊൺ ടൗണിൽ നിന്നാണ് താരം പ്രീമിയർ ലീഗിലേക്ക് എത്തുന്നത്. ലീഗ് 1 ടീം ആയിരുന്ന ടീമിനെ ചാംപ്യന്ഷിപ്പിലേക് സ്ഥാന കയറ്റം നൽകുന്നതിൽ നിർണായക പങ്ക് വഹിച്ച താരമാണ് ജെയിംസ്.
5 വർഷത്തെ കരാറാണ് താരം ലെസ്റ്ററുമായി ഒപ്പിട്ടിരിക്കുന്നത്. ഈ സീസണിൽ ലെസ്റ്റർ നടത്തുന്ന ആദ്യ സൈനിങ്ങാണ് ജെയിംസിന്റേത്. റൈറ്റ് ബാക്കായ ജയിംസിന് ലെഫ്റ്റ് ബാക്കായും കളിക്കാനാകും. ലീഗ് 1 ടീം ഓഫ് ദി സീസണിലും അംഗമായിരുന്നു ജെയിംസ്. ബ്രെണ്ടൻ റോഡ്‌ജെഴ്സിന് കീഴിൽ തന്റെ കരിയർ അടുത്ത ഘടത്തിലേക് ഉയർത്താനാകും എന്ന പ്രതീക്ഷയാണ് താരം കരാർ ഒപ്പിട്ട ശേഷം പ്രകടിപ്പിച്ചത്.
ഇംഗ്ലണ്ട് അണ്ടർ 20 ടീമിലും അംഗമായിരുന്നു ജെയിംസ്.
