ഈ ട്രാൻസ്ഫർ വിൻഡോയിൽ ഒറ്റ താരത്തെ സ്വന്തമാക്കാത്ത ലെസ്റ്റർ സിറ്റി അവസാനം ഒരു സൈനിംഗ് പൂർത്തിയാക്കി

ലെസ്റ്റർ സിറ്റി ഈ സീസണിലെ അവരുടെ ആദ്യ സൈനിംഗ് പൂർത്തിയാക്കാൻ പോവുകയാണ്. 32കാരനായ ഗോൾ കീപ്പർ അലക്‌സ് സ്മിത്തീസിന്റെ സൈനിംഗ് ആകും അവർ ആദ്യം പൂർത്തിയാക്കുക. ഈ സമ്മർ ട്രാൻസ്ഫർ വിൻഡോയിൽ പുതിയ കളിക്കാരെയൊന്നും കൊണ്ടുവരാത്ത ഏക പ്രീമിയർ ലീഗ് ടീമാണ് ലെസ്റ്റർ സിറ്റി. താരങ്ങളെ വിറ്റാൽ മാത്രമെ ഫണ്ട് ഉണ്ടാകൂ എന്ന് പറഞ്ഞാണ് ക്ലബ് പുതിയ സൈനിംഗുകൾ നടത്താത്തത്.

ജൂൺ മാസത്തിൽ തന്റെ കരാർ അവസാനിച്ചതോടെ കാർഡിഫ് വിട്ട സ്മിത്തീസ് ഇപ്പോൾ ഫ്രീ ഏജന്റാണ്. 2007-ൽ ഹഡേഴ്‌സ്ഫീൽഡിൽ തന്റെ കരിയർ ആരംഭിച്ച 32-കാരൻ 2015-ൽ വിടവാങ്ങുന്നത് വരെ അവർക്ക് ആയി 274 മത്സരങ്ങൾ കളിച്ചു. മുൻ ഇംഗ്ലണ്ട് അണ്ടർ 19 ഇന്റർനാഷണൽ ക്വീൻസ് പാർക്ക് റേഞ്ചേഴ്സിൽ ചേരുകയും 2018 ൽ കാർഡിഫിലേക്ക് മാറുന്നതിന് മുമ്പ് 109 തവണ ക്യു പി ആറിനായി കളിക്കുകയും ചെയ്തു. പരിചയസമ്പന്നനായ കീപ്പർ കാർഡിഫിനായും 100ൽ അധികം മത്സരങ്ങൾ കളിച്ചിട്ടുണ്ട്

Story Highlight: Leicester city are set to complete their first summer signing. Alex Smithies has just signed contract valid until June 2024,