ആഴ്‌സണലിന്റെ പോർച്ചുഗീസ് യുവ പ്രതിരോധതാരം നുനോ ടവാരസിന് ആയി നോട്ടിങ്ഹാം ഫോറസ്റ്റ് ആദ്യ ബിഡ് സമർപ്പിച്ചു. നേരത്തെ ആഴ്‌സണൽ ഗോൾ കീപ്പർ മാറ്റ് ടർണറിനെ സ്വന്തമാക്കിയ ഫോറസ്റ്റ് നിലവിൽ ലെഫ്റ്റ് ബാക്ക് ആയ 23 കാരനായ താരത്തിന് ആയും രംഗത്ത് വന്നിരിക്കുക ആണ്. താരവും ആയും അവർ ചർച്ചകൾ നടത്തുന്നുണ്ട്.
2021 ൽ ബെൻഫിക്കയിൽ നിന്നു 8 മില്യൺ പൗണ്ടിനു ആണ് താരം ആഴ്‌സണലിൽ എത്തിയത്. ആഴ്‌സണലിന് ആയി 28 മത്സരങ്ങൾ കളിച്ച താരത്തിന് പക്ഷെ ടീമിൽ സ്ഥാനം ഉറപ്പിക്കാൻ ആയിരുന്നില്ല. കഴിഞ്ഞ സീസണിൽ ഫ്രഞ്ച് ക്ലബ് മാഴ്സെയിൽ ലോണിൽ കളിച്ച താരം മികച്ച പ്രകടനം ആയിരുന്നു നടത്തിയത്. താരത്തെ വിൽക്കണം എന്നു തന്നെയാണ് ആഴ്‌സണൽ തീരുമാനവും.
