ബ്രസീൽ ക്ലബ് സാന്റോസിന്റെ 18 കാരനായ ഡേയിവിഡ് വാഷിങ്ടൺ ചെൽസിയിൽ ചേരും. 2005 ൽ ജനിച്ച 18 കാരനായ മുന്നേറ്റനിര താരത്തിന് ആയി 15 മില്യൺ യൂറോക്ക് ഒപ്പം 5 മില്യൺ യൂറോ ആഡ് ഓൺ ആണ് ചെൽസി മുടക്കുക. താരത്തിന് ചെൽസിയിൽ ചേരാൻ ആയിരുന്നു താൽപ്പര്യം. താരത്തെ ക്ലബിൽ നിലനിർത്തുമോ അല്ല തങ്ങളുടെ ഫ്രഞ്ച് ക്ലബ് ആയ സ്ട്രാസ്ബോർഗിൽ ലോണിൽ അയക്കുമോ എന്നു വരും ദിനങ്ങളിൽ അറിയും.
വലിയ ഭാവി പ്രതീക്ഷിക്കുന്ന താരമാണ് വാഷിങ്ടൺ. 2016 മുതൽ 11 വയസ്സ് മുതൽ സാന്റോസിൽ ആണ് വാഷിങ്ടൺ കളിക്കുന്നത്. 16 മത്തെ വയസ്സിൽ ക്ലബും ആയി താരം ആദ്യ പ്രഫഷണൽ കരാറും ഒപ്പ് വെച്ചു. സാന്റോസ് സീനിയർ ടീമിന് ആയി ഈ വർഷം ആണ് താരം അരങ്ങേറ്റം കുറിച്ചത്. ഇത് വരെ 9 കളികളിൽ നിന്നു 2 ഗോളുകളും താരം നേടിയിട്ടുണ്ട്. യൂത്ത് തലത്തിലെ താരത്തിന്റെ മിന്നുന്ന പ്രകടനങ്ങൾ തന്നെയാണ് താരത്തെ ചെൽസി ടീമിൽ എത്തിക്കാൻ കാരണം.
