ഹഡ്സൺ ഒഡോയ് അവസാനം ചെൽസി വിടുന്നു. താരത്തെ അടുത്ത ദിവസങ്ങളിൽ തന്നെ നോട്ടിങ്ഹാം ഫോറസ്റ്റ് സ്വന്തമാക്കും എന്നാണ് റിപ്പോർട്ടുകൾ. ഫോറസ്റ്റ് അവസാന ദിവസങ്ങളിൽ നിരവധി താരങ്ങൾക്ക് പിറകിൽ ഉണ്ട്. ഒഡോയിക്കായി 6 മില്യന്റെ ബിഡ് ഫോറസ്റ്റ് സമർപ്പിക്കും എന്നാണ് സൂചനകൾ.
നേരത്തെ ഫുൾഹാം താരത്തെ സൈൻ ചെയ്യാൻ ശ്രമിച്ചിരുന്നു എങ്കിലും അവരുടെ ബിഡ് ചെൽസി നിരസിച്ചിരുന്നു.. ചെൽസി 8 മില്യൺ പൗണ്ടോളമാണ് ഹഡ്സൺ ഒഡോയിക്കായി ചോദിക്കുന്നത്‌.
ചെൽസിയിൽ കളിക്കാൻ അവസരം ഇല്ലാത്തതിനാൽ താരം കഴിഞ്ഞ സീസണിൽ ലോണിൽ ജർമ്മനിയിൽ ആയിരുന്നു കളിച്ചത്‌. ജർമ്മൻ ക്ലബായ ബയർ ലെവർകൂസണിലെ ലോൺ കഴിഞ്ഞു അദ്ദേഹം തിരികെ എത്തിയിരുന്നു. ലെവർകൂസനായി ഒരു ഗോൾ പോലും നേടാൻ താരത്തിനായില്ല. 22കാരന് 2024 വരെ താരത്തിന് ചെൽസിയിൽ കരാറുണ്ട്. 2007 മുതൽ ചെൽസിക്ക് ഒപ്പം ഉണ്ട്. ചെൽസിക്ക് ആയി 72 മത്സരങ്ങൾ കളിച്ചിട്ടുണ്ട്. ഇംഗ്ലണ്ട് ദേശീയ ടീമിനെയും പ്രതിനിധീകരിച്ചിട്ടുണ്ട്.
