റിക്വി പുജിനെ വിൽക്കാൻ ബാഴ്സലോണ സമ്മതിച്ചു | Barcelona accepted LA Galaxy proposal for Riqui Puig

ബാഴ്സലോണ യുവതാരം റിക്വി പുജ് ഇനി അമേരിക്കയിൽ കളിക്കും. എൽ എ ഗാലക്സിയുടെ പുജിനായുള്ള ഓഫർ ബാഴ്സലോണ ഇപ്പോൾ സ്വീകരിച്ചിരിക്കുകയാണ്. 23കാരനായ താരം യൂറോപ്പ് വിട്ട് ഈ ചെറിയ പ്രായത്തിൽ പോകുന്നത് ഫുട്ബോൾ ആരാധകർക്ക് നിരാശ നൽകുന്നുണ്ട്. ബാഴ്സലോണ താരത്തെ വിൽക്കുന്നതിന് ഒപ്പം ഭാവിയിൽ പുജിനെ വിൽക്കുമ്പോൾ ലാഭത്തിന്റെ ഒരു ശതമാനം ബാഴ്സലോണക്ക് ലഭിക്കുന്ന ഒരു വ്യവസ്ഥ കരാറിൽ ഉണ്ടാകും.

ബാഴ്സലോണയിൽ അധികം അവസരങ്ങൾ ലഭിക്കാത്തതാണ് പുജ് ക്ലബ് വിടാനുള്ള കാരണം. കഴിഞ്ഞ സമ്മറിൽ തന്നെ ക്ലബ് വിടാൻ പുജ് നോക്കുന്നുണ്ടായിരുന്നു. ബാഴ്സലോണ അക്കാദമിയിൽ ഏറ്റവും ടാലന്റുള്ള താരമായാണ് റിക്വി വാഴ്ത്തപ്പെട്ടിരുന്നത്. 2013 മുതൽ പുജ് ബാഴ്സലോണക്ക് ഒപ്പം ഉണ്ട്.

Story Highlight: Barcelona have just approved and accepted LA Galaxy proposal for Riqui Puig.