ബ്രസീലിയൻ പ്രതിരോധതാരത്തെ ടീമിലെത്തിക്കാൻ ഒരുങ്ങി നാപോളി. തുർക്കി ക്ലബ്ബായ ഗലറ്റസരായുടെ ബ്രസീലിയൻ സെന്റർ ബാക്ക് മാർക്കാവൊക്ക് വേണ്ടിയാണ് നാപോളി ശ്രമം തുടങ്ങിയത്. ഈ സീസണിൽ തുർക്കിയിൽ ആദ്യ ലീഗ് മത്സരത്തിൽ തന്നെ കുപ്രസിദ്ധി നേടിയിരുന്നു. ഗലറ്റസരായുടെ ആദ്യ ലീഗ് മത്സരത്തിനിടെ സഹതാരത്തിനെ കളിക്കിടയിൽ അക്രമിച്ച് താരം ചുവപ്പ് വാങ്ങി.
പിന്നാലെ 8 മത്സരങ്ങളിൽ നിന്നും വിലക്കും ബ്രസീലിയൻ താരം ഏറ്റുവാങ്ങി. 25കാരനായ താരം പോർച്ചുഗല്ലിലും ബ്രസീലിലും കളിച്ചിട്ടുണ്ട്‌. ഗ്രീസിലേക്ക് മടങ്ങാനിരിക്കുന്ന കോസ്റ്റാസ് മനോലസിന് പകരക്കാരനായിട്ടാണ് നപോളി ബ്രസീലിയൻ താരത്തെ പരിഗണിക്കുന്നത്.
