ഇന്ന് സൂപ്പർ കപ്പിൽ നടന്ന മത്സരത്തിൽ ചെന്നൈയിനും ചർച്ചിൽ ബ്രദേഴ്സും ഗോൾ രഹിത സമനിലയിൽ പിരിഞ്ഞു. ഇരു ടീമുകൾക്കും ഇന്ന് കാര്യമായ മുന്നേറ്റങ്ങൾ ഉണ്ടാക്കാൻ സാധിച്ചില്ല. 43ആം മിനുട്ടിൽ ചെന്നൈ ക്യാപ്റ്റൻ അനിരുദ്ധ് താപ്പയുടെ ക്രോസിൽ ആകാശ് സങ്വൻ തകർപ്പൻ ഹെഡ് ചെയ്തെങ്കിലും ചർച്ചിൽ ബ്രദേർസ് ഗോൾ കീപ്പർ നോറ ഫെർണാണ്ടസ് പുറത്തേക്ക് തടുത്തിട്ടു.
രണ്ടാം പകുതിയുടെ തുടക്കത്തിൽ ഇരു ടീമുകളും ഒന്നിന് പിറകെ ഒന്നായി മുന്നേറ്റങ്ങൾ നടത്തി. അറുപത്തിമൂന്നാം മിനുട്ടിൽ ചെന്നൈയിൽ എഫ്സിക്ക് ഫ്രീകിക്ക് ലഭിച്ചു. ക്യാപ്റ്റൻ അനിരുദ്ധ് താപ്പ എടുത്ത കിക്ക് നേരിയ വ്യത്യാസത്തിൽ പുറത്തേക്ക് പോയി.
എഴുപത്തിയൊന്നാം മിനുട്ടിൽ ചർച്ചിൽ താരം മാർട്ടിൻ നികോളാസ് ചാവേസ് എടുത്ത ഫ്രീകിക്ക് ഗോൾ കീപ്പർ സമീക് മിത്ര തടുത്തിട്ടു.രണ്ടാം പകുതിൽ മലയാളി താരം പ്രശാന്ത് കളത്തിലിറങ്ങി.
അവസാന മിനിറ്റുകളിൽ വിജയ ഗോളിന് വേണ്ടി ചെന്നൈ അധ്വാനിച്ചു ശ്രമിച്ചെങ്കിലും ഗോൾ നേടാനായില്ല.
