ബ്രമാൽ ലെയ്‌നിൽ നടന്ന ക്വാർട്ടർ ഫൈനലിൽ ബ്ലാക്ക്‌ബേണിനെതിരെ 3-2ന് ത്രസിപ്പിക്കുന്ന വിജയത്തോടെ ഷെഫീൽഡ് യുണൈറ്റഡ് എഫ്‌എ കപ്പ് സെമിഫൈനലിൽ സ്ഥാനം ഉറപ്പിച്ചു. ഒരു സെൽഫ് ഗോളും പെനാൽറ്റിയും രണ്ട് ലേറ്റ് ഗോളുകളും ഉൾപ്പെടെ നാടകീയത നിറഞ്ഞ മത്സരത്തിൽ 2-1ന് പിന്നിൽ നിന്ന് ആണ് ബ്ലേഡ്‌സ് വിജയം സ്വന്തമാക്കിയത്. 2018 ന് ശേഷം ആദ്യമായി ഷെഫീൽഡ് യുണൈറ്റഡ് വെംബ്ലിയിലേക്ക് പോകും എന്ന് ഈ വിജയം ഉറപ്പാക്കുന്നു.
ആതിഥേയർ മികച്ച രീതിയിൽ കളി തുടങ്ങിയെങ്കിലും ബ്രെറ്റന്റെ പെനാൽറ്റിയിലൂടെ ബ്ലാക്ക്ബേൺ ലീഡ് നേടി. എന്നിരുന്നാലും, ബ്ലേഡ്‌സ് ഗല്ലാഗറിന്റെ സെൽഫ് ഗോളിലൂടെ സ്‌കോർ സമനിലയിലാക്കി. 60ആം മിനുട്ടിൽ Szmodics ബ്ലാക്ക്‌ബേണിനെ വീണ്ടും മുന്നിൽ എത്തിച്ചു.
പക്ഷേ, ഷെഫീൽഡ് യുണൈറ്റഡ് വിട്ടുകൊടുക്കാൻ ഒരുക്കമായിരുന്നില്ല. 81-ാം മിനിറ്റിൽ മക്ബർണി ഒരു തകർപ്പൻ ഹെഡറിലൂടെ ഹോം ടീമിന് ആയി സമനില പിടിച്ചു. ഇഞ്ചുറി ടൈമിൽ ഡോയൽ ഒരു മികച്ച സ്‌ട്രൈക്കിലൂടെ വിജയവും ഉറപ്പിച്ചു.
