നിലമ്പൂർ അഖിലേന്ത്യാ സെവൻസിൽ ഫിഫാ മഞ്ചേരിക്ക് വിജയം. ഇന്ന് നടന്ന മത്സരത്തിൽ കെ ആർ എസ് കോഴിക്കോടിനെ നേരിട്ട ഫിഫ മഞ്ചേരി ടോസിന്റെ ഭാഗ്യത്തിലാണ് വിജയിച്ചത്. മത്സരത്തിൽ നിശ്ചിത സമയത്ത് ഇരു ടീമുകളും ഒരോ ഗോൾ വീതം നേടി. കളി 1-1 എന്ന നിലയിൽ അവസാനിച്ചു. പിന്നീട് പെനാൾട്ടിയിലേക്ക് മാറി അവിടെയും വിജയികളെ കണ്ടെത്താൻ ആയില്ല. അതിനു ശേഷം വിജയികളെ കണ്ടെത്താൻ ടോസ് വേണ്ടി വന്നു. ടോസിൽ ഫിഫാ മഞ്ചേരിക്ക് ഒപ്പം വിജയം നിന്നു.
ഫിഫ മഞ്ചേരിയുടെ തുടർച്ചയായ രണ്ടാം വിജയമായിരുന്നു ഇത്. നാളെ നിലമ്പൂർ അഖിലേന്ത്യാ സെവൻസിൽ കെ എഫ് സി കാളികാവും അൽ മദീന ചെർപ്പുളശ്ശേരിയും തമ്മിൽ ഏറ്റുമുട്ടും.
