നൈൻഗോലാന് പരിക്ക്

ഇന്റർ മിലാന്റെ ബെൽജിയൻ താരം റാഡ്ജ നൈൻഗോലാന് പരിക്ക്. എഫ്‌സി സിയോണിനെതിരായ മത്സരത്തിനിടെയാണ് താരത്തിന് പരിക്കേറ്റത്. സിയോണിനെതിരായ സൗഹൃദ മത്സരത്തിൽ ഏകപക്ഷീയമായ രണ്ടു ഗോളുകൾക്കാണ് ഇന്റർ മിലാൻ പരാജയപ്പെട്ടത്. മുൻ എഎസ് റോമാ താരമായ റാഡ്ജ നൈൻഗോലാൻ കഴിഞ്ഞ മാസമാണ് ഇന്ററിലേക്ക് കുടിയേറിയത്.

24 മില്യൺ യൂറോയ്ക്കാണ് റാഡ്ജ നൈൻഗോലാൻ ഇന്റർ മിലാനിൽ എത്തുന്നത്. നാല് സീസണിലധികം റോമയിൽ തുടർന്ന റാഡ്ജ നൈൻഗോലാൻ 200 ൾ അധികം മത്സരങ്ങളിൽ കളിക്കുകയും 31 ഗോളുകൾ റോമയ്ക്ക് വേണ്ടി നേടുകയും ചെയ്തു. ബെൽജിയത്തിനു വേണ്ടി 30 തവണ ബൂട്ടണിഞ്ഞിട്ടുള്ള താരം 2014 ലാണ് റോമയിൽ എത്തുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial