ഇബ്രഹിമോവിചിന് ശസ്ത്രക്രിയ, എട്ട് മാസത്തോളം വിശ്രമം, ഇനി കളിക്കുമോ എന്ന ചോദ്യം ബാക്കി

20220523 020745

സ്വീഡിഷ് ഇതിഹാസം സ്ലാട്ട ഇബ്രഹിമോവിചിന് മുട്ടിന് പരിക്ക് മാറാൻ ശസ്ത്രക്രിയ. താരം എട്ട് മാസത്തോളം കളത്തിൽ നിന്ന് വിട്ടു നിൽക്കേണ്ടി വരും. ഈ സീസണിൽ മിലാനൊപ്പം സീരി എ കിരീടം നേടാൻ സ്ലാട്ടന് ആയെങ്കിൽ സീസണിൽ വളരെ കുറച്ച് മത്സരങ്ങളെ അദ്ദേഹത്തിന് കളിക്കാൻ ആയുള്ളൂ. ആകെ 11 ലീഗ് മത്സരങ്ങൾ മാത്രമാണ് അദ്ദേഹം സ്റ്റാർട്ട് ചെയ്തത്. സീസണിൽ 8 ഗോളുകൾ നേടി.

ഈ സീസണോടെ എ സി മിലാനിൽ കരാർ അവസാനിക്കുന്ന ഇബ്ര കരാർ പുതുക്കാൻ തീരുമാനിച്ചിട്ടില്ല. വിരമിക്കുന്നതിനെ കുറിച്ച് ആലോചിക്കുന്നതായി ഇബ്ര പറഞ്ഞിരുന്നു. ഒരുപാട് ആരോഗ്യ പ്രശ്നങ്ങൾ ഉണ്ടെന്നും കളി തുടരുന്നു എങ്കിൽ എ സി മിലാനിൽ കരാർ പുതുക്കും എന്നുമായിരുന്നു ഇബ്ര പറഞ്ഞത്. ഇത്ര കാലം പരിക്കേറ്റ് പുറത്ത് ഇരിക്കേണ്ടി വരുന്നതിനാൽ ഇനി ഇബ്ര കളിക്കുമോ എന്നത് സംശയത്തിലാണ്.

Previous articleടോസ് നേടി ബൗളിംഗ് തിരഞ്ഞെടുത്ത് കെഎൽ രാഹുല്‍
Next article“അടുത്ത സീസണിൽ ലിവർപൂളിൽ തന്നെ ഉണ്ടാകും” – മൊ സലാഹ്