എഎസ് റോമ ഇന്ന് നടന്ന സീരി എ മത്സരത്തിൽ എംപോളിയെ 2-0ന് പരാജയപ്പെടുത്തി. ആദ്യ 6 മിനിറ്റിൽ തന്നെ റോമ രണ്ട് ഗോളുകൾ നേടിയിരുന്നു. രണ്ടാം മിനിറ്റിൽ ഡിബാലയുടെ അസിസ്റ്റിൽ നിന്ന് ഇബാനസ് ആണ് ആദ്യ ഗോൾ കണ്ടെത്തിയത്. വെറും 4 മിനിറ്റിനുള്ളിൽ ഡിബാലയുടെ സഹായത്തോടെ മറ്റൊരു ഗോളുമായി ടാമി എബ്രഹാം റോമയുടെ ലീഡ് ഇരട്ടിയാക്കി. എംപോളി തിരിച്ചുവരവിന് ശ്രമിച്ചെങ്കിലും ജോസെയുടെ ഡിഫൻസീവ് ലൈൻ ബ്രേക്ക് ചെയ്യാൻ അവർക്ക് ആയില്ല.
ഡിബാലയുടെ രണ്ട് അസിസ്റ്റുകളും പ്രകടനവും ഇന്ന് കളിയുടെ ഗതി തീരുമാനിക്കുന്നതിൽ നിർണായകമായി. ഈ ജയത്തോടെ 20 മത്സരങ്ങളിൽ നിന്ന് 40 പോയിന്റുമായി എഎസ് റോമ ലീഗ് പട്ടികയിൽ മൂന്നാം സ്ഥാനത്തേക്ക് ഉയർന്നു.
