Local Sports News in Malayalam

സന്തോഷ് ട്രോഫിക്കായി കേരളം ഒരുങ്ങുന്നു, സാധ്യതാ ടീം പ്രഖ്യാപിച്ചു

2019-20 സന്തോഷ് ട്രോഫി സീസണായുള്ള ഒരുക്കങ്ങൾ കേരളം തുടങ്ങി. സന്തോഷ് ട്രോഫിക്കായുള്ള ടീമിനെ തിരഞ്ഞെടുക്കാൻ ഉള്ള സാധ്യതാ ടീമിനെ കേരളം ഇന്ന് പ്രഖ്യാപിച്ചു. 40 അംഗ ടീമിനെയാണ് സന്തോഷ് ട്രോഫി ക്യാമ്പിലേക്ക് തിരഞ്ഞെടുത്തിരിക്കുന്നത്. മുൻ ഗോകുലം കേരള എഫ് സി പരിശീലകൻ ബിനോ ജോർജ്ജ് ആണ് ടീം തിരഞ്ഞെടുത്തത്.

കഴിഞ്ഞ വർഷം നടന്ന സന്തോഷ് ട്രോഫിയിലെ നിരാശയാർന്ന പ്രകടനം മറികടക്കാൻ ആണ് കേരളം ബിനോ ജോർജ്ജിനെ പരിശീലകനായി കൊണ്ടു വന്നത്. കഴിഞ്ഞ മാസം നടന്ന കേരള സീനിയർ ഫുട്ബോൾ ചാമ്പ്യൻഷിപ്പിൽ മികവ് കാണിച്ച താരങ്ങൾക്ക് സന്തോഷ് ട്രോഫി സാധ്യതാ ടീമിൽ ഇടം ലഭിച്ചിട്ടുണ്ട്. ഓഗസ്റ്റ് 25ആം തീയതി മുതൽ എറണാകുളം മഹാരാജാസ് ഗ്രൗണ്ടിൽ വെച്ച് ക്യാമ്പ് ആരംഭിക്കും. ബിനോ ജോർജ്ജിന് ഒപ്പം സഹ പരിശീലകനായി ടി ജി പുരുഷോത്തമനും ഗോൾ കീപ്പിംഗ് കോച്ചായി സജി ജോയിയും ഉണ്ട്.

ടീം;
ഗോൾ കീപ്പർ;

കണ്ണൻ രാജു (കോട്ടയം)
രാഹുൽ മുരളി (എറണാകുളം)
പ്രതീഷ് ( കാസർഗോഡ് )
മുഹമ്മദ് അസ്ഹർ (മലപ്പുറം)
സച്ചിൻ സുരേഷ് (തൃശ്ശൂർ)

ഡിഫൻസ്;

സനീഷ് (പാലക്കാട്)
അഖിൽ കെ ചന്ദ്രൻ (കോട്ടയം)
അജയ് കെ അലക്സ് (ഇടുക്കി)
സഫുവാൻ (മലപ്പുറം)
ഡാനി (തിരുവനന്തപുരം)
മുഹമ്മദ് ഷബിൻ (തൃശൂർ)
അനീഷ് ഒ ബി (വയനാട്)
ടോണി തോമസ് (എറണാകുളം)
സമ്പത്ത് കുമാർ (കാസർഗോഡ്)
മുഹമ്മദ്‌ റാഫി (ആലപ്പുഴ)

മിഡ്ഫീൽഡർ

ഗിഫ്റ്റി ഗ്രാഷ്യസ് (കോട്ടയം)
അഭിഷേക് വി നായർ (പാലക്കാട്)
റുമൈസ് (കോട്ടയം)
താഹിർ സമദ് (കോഴിക്കോട്)
അസ്ഫർ കെ ടി (കണ്ണൂർ)
നെറ്റോ ബെന്നി (ഇടുക്കി)
വിശാക് മോഹനൻ (ഇടുക്കി)
വരുൺദാസ് (കാസർഗോഡ്)
അഭയ് യു എസ് (എറണാകുളം)
ഷബീർ കെ (കൊല്ലം)
അഭിജിത്ത് എസ് (മലപ്പുറം)
അരുൺ കലാഥരൻ (തൃശൂർ)

ഫോർവേഡ്

മുഹമ്മദ് പറക്കോട്ടിൽ (പാലക്കാട്)
എമിൽ ബെന്നി (വയനാട്)
എൽദോസ് സണ്ണി (ഇടുക്കി)
വിഷ്ണു പി വി (കാസർഗോഡ്)
റോഷൻ വി (തൃശ്ശൂർ)
അഭിജിത്ത് കെ (കോട്ടയം)
മുഹമ്മദ് സാലിം (കോട്ടയം)
വിഗ്നേഷ് (തിരുവനന്തപുരം)
ക്രിസ്റ്റ്യൻ വിൽസൺ (പത്തനംതിട്ട)
ബുജൈർ (മലപ്പുറം)

You might also like