റൊണാൾഡോയെ മൈക്കിൾ ജോർദാനോട് ഉപമിച്ച് ഒലെ

ഇന്നലെ അവസാന നിമിഷം മാഞ്ചസ്റ്റർ യുണൈറ്റഡിനെ പരാജയത്തിൽ നിന്ന് രക്ഷിച്ച ക്രിസ്റ്റ്യാനോ റൊണാൾഡോയെ ബാസ്ക്കറ്റ്ബോൾ ഇതിഹാസം മൈക്കിൾ ജോർദാനോട് ഉപമിച്ചിരിക്കുകയാണ് ഒലെ ഗണ്ണാർ സോൾഷ്യർ. ഇന്നലെ അവസാന മിനുട്ടുകളിൽ ആയിരുന്നു റൊണാൾഡോയുടെ ഗോൾ. ഇത്തവണത്തെ ചാമ്പ്യൻസ് ലീഗ് മത്സരങ്ങളിൽ ഇത് മൂന്നാം തവണയാണ് റൊണാൾഡോ മാഞ്ചസ്റ്റർ യുണൈറ്റഡിന്റെ രക്ഷകനാകുന്നത്.

“ഫുട്ബോൾ കളിച്ചതിൽ വെച്ച് ഏറ്റവും മികച്ച കളിക്കാരിൽ ഒരാളാണ് റൊണാൾഡോ. ചിക്കാഗോ ബുൾസിൽ മൈക്കൽ ജോർദാൻ കാണിച്ചത് തന്നെയാണ് ഇപ്പോൾ റൊണാൾഡോ ഇവിടെ കാണിക്കുന്നത്” ഒലെ പറഞ്ഞു‌. “അവസാന നിമിഷത്തിൽ പന്ത് ആർക്കെങ്കിലും വീഴണമെന്ന് നിങ്ങൾ ആഗ്രഹിക്കുന്നുവെങ്കിൽ, അത് ക്രിസ്റ്റ്യാനോയ്ക്കാണ്. ചിക്കാഗോ ബുൾസിൽ ജോർദാന് പന്ത് കിട്ടാനാണ് ഏവരും ആഗ്രഹിച്ചിരുന്നത്” ഒലെ പറയുന്നു.

“റൊണാൾഡോ ഞങ്ങൾക്ക് വേണ്ടി പലതവണ അവസാന നിമിഷം രക്ഷകനായി, എന്നേക്കാൾ കൂടുതൽ ഗോളുകൾ റൊണാൾഡോ നേടിയതിൽ എനിക്ക് വിഷമമില്ല.” ഒലെ പറഞ്ഞു.