പി എസ് ജി ക്ലബിനെതിരെ വിമർശനവുമായി ബ്രസീൽ താരം നെയ്മർ. മെസ്സിക്കും തനിക്കും പി എസ് ജിയിൽ നല്ല കാലം ആയിരുന്നില്ല എന്നും നരകതുല്യമായിരുന്നു കാര്യങ്ങൾ എന്നും നെയ്മർ പറഞ്ഞു.
“മെസ്സിക്ക് അർജന്റീനക്ക് ഒപ്പം ലഭിച്ച വർഷത്തിൽ ഞാൻ വളരെ സന്തോഷവാനായിരുന്നു, എന്നാൽ അതേ സമയം അവൻ നാണയത്തിന്റെ ഇരുവശങ്ങളിലും ജീവിച്ചു എന്നത് ഓർത്ത് ഞാൻ വളരെ സങ്കടപ്പെട്ടു” നെയ്മർ പറഞ്ഞു. അർജന്റീന ദേശീയ ടീമിനൊപ്പം അവൻ സ്വർഗം തുല്യമായ ദിവസങ്ങൾ ആഘോഷിച്ചു, അവർക്കൊപ്പം അവസാന വർഷങ്ങളിൽ അദ്ദേഹം എല്ലാം നേടി, എന്നാൽ പാരീസിനൊപ്പം നരകം ആയിരുന്നു. അവനും ഞാനും നരകത്തിൽ ആണ് ജീവിച്ചത്.” നെയ്മർ പറഞ്ഞു.
“ഞങ്ങൾ അസ്വസ്ഥരായിരുന്നു, കാരണം ഞങ്ങൾ ഞങ്ങളുടെ ഏറ്റവും മികച്ചത് നൽകാൻ അവിടെയുണ്ടായിരുന്നു. എപ്പോഴും ചാമ്പ്യന്മാരാകാൻ, ചരിത്രം സൃഷ്ടിക്കാൻ ആണ് ശ്രമിച്ചത്. ചരിത്രം സൃഷ്ടിക്കാൻ വേണ്ടിയാണ് ഞങ്ങൾ അവിടെ ഒരുമിച്ചത്. നിർഭാഗ്യവശാൽ, ഞങ്ങൾക്ക് അത് കഴിഞ്ഞില്ല.” നെയ്മർ പറഞ്ഞു
