തിരിച്ച് വരവിൽ ജയം സ്വന്തമാക്കി വെസ്റ്റ് ഹാം

- Advertisement -

ഇംഗ്ലീഷ് പ്രീമിയർ ലീഗിൽ വെസ്റ്റ് ഹാമിന് മികച്ച ജയം. ഒരു ഗോളിന് പിറകിൽ പോയ ശേഷം തിരിച്ചടിച്ചാണ് അവർ 2-1 ന്റെ ജയം സൗത്താംപ്ടനെതിരെ സ്വന്തമാക്കിയത്. ഫിലിപ്പേ ആൺഡേഴ്സൻ നേടിയ ഇരട്ട ഗോളുകളാണ് ഹാമേഴ്സിന് ജയം ഒരുക്കിയത്.

ഗോൾ രഹിതമായ ആദ്യ പകുതിക്ക് ശേഷം 50 ആം മിനുട്ടിലാണ് സൗത്താംപ്ടൻറെ ആദ്യ ഗോൾ പിറന്നത്. നഥാൻ റെഡ്മണ്ടാണ് ഗോൾ നേടിയത്. പക്ഷെ 3 മിനുട്ടുകൾക്ക് ശേഷം ഫിലിപ്പേ ആന്ഡേഴ്സൻ സമനില ഗോൾ നേടി. പിന്നീട് 6 മിനുട്ടുകൾക്ക് ശേഷം താരം വീണ്ടും വല കുലുക്കിയതോടെ ഹാമേഴ്‌സ് ജയം ഉറപ്പിക്കുകയായിരുന്നു.

ജയത്തോടെ 27 പോയിന്റുള്ള വെസ്റ്റ് ഹാം ഒൻപതാം സ്ഥാനത്താണ്. 15 പോയിന്റുള്ള സൗത്താംപ്ടൻ 16 ആം സ്ഥാനത്താണ്.

Advertisement