ചെൽസിയിൽ തന്നെ തുടരാനുറച്ച് ടിമോ വെർണർ

Berjwin Totenham Werner Chelsea
Photo: Twitter/@ChelseaFC

ഈ സീസൺ കഴിഞ്ഞതിന് ശേഷവും ചെൽസിയിൽ തന്നെ തുടരണമെന്ന ആഗ്രഹമാണ് തനിക്കെന്ന് ചെൽസി താരം ടിമോ വെർണർ. ഈ സീസണിന്റെ തുടക്കത്തിൽ ചെൽസിയിൽ എത്തിയ ടിമോ വെർണറിന് ലണ്ടനിൽ കാര്യങ്ങൾ വിചാരിച്ചപോലെ എളുപ്പമായിരുന്നില്ല. എന്നാൽ ഈ സീസണിന്റെ അവസാനത്തോടെ ടീം വിടാനുള്ള ഒരു ശ്രമവും താൻ നടത്തില്ലെന്ന് താരം വ്യക്തമാക്കി.

ഈ സീസണിൽ ചെൽസിക്ക് വേണ്ടി 39 മത്സരങ്ങൾ കളിച്ച ടിമോ വെർണർ 10 ഗോളുകൾ മാത്രമാണ് നേടിയത്. സീസണിന്റെ തുടക്കത്തിൽ ഗോളുകൾ നേടിയ വെർണർ ക്ലബ്ബിനും രാജ്യത്തിനും വേണ്ടി അവസാനം കളിച്ച 30 മത്സരങ്ങളിൽ നിന്ന് 2 ഗോളുകൾ മാത്രമാണ് നേടിയത്. എന്നാൽ പരിശീലക സ്ഥാനത്ത് ഫ്രാങ്ക് ലമ്പാർഡ് മാറി തോമസ് ടൂഹൽ വന്നതിന് ശേഷം ഗോളുകൾ കണ്ടെത്താൻ കഴിഞ്ഞില്ലെങ്കിലും ടിമോ വെർണർ മെച്ചപ്പെട്ട പ്രകടനമാണ് പുറത്തെടുത്തിട്ടുള്ളത്.