ആഴ്‌സണലിന് ആയുള്ള ആദ്യ പ്രീമിയർ ലീഗ് മത്സരത്തിൽ തന്നെ പരിക്കേറ്റു പുറത്ത് പോയി ഡച്ച് പ്രതിരോധ താരം യൂറിയൻ ടിംബർ. മത്സരത്തിൽ മികച്ച രീതിയിൽ കളി തുടങ്ങിയ താരത്തിന് ആദ്യ പകുതിയുടെ അവസാന നിമിഷങ്ങളിൽ താരം തന്നെ നടത്തിയ ടാക്കിളിൽ ആണ് പരിക്കേറ്റത്. എന്നാൽ താരം തുടർന്നും കളിച്ചു. രണ്ടാം പകുതിയിൽ താരത്തെ ആഴ്സണൽ പിൻവലിച്ചില്ല.
എന്നാൽ രണ്ടാം പകുതി തുടങ്ങിയ ഉടൻ തന്നെ താരം മത്സരത്തിൽ തുടരാൻ ആവാതെ പുറത്ത് പോവുക ആയിരുന്നു. താരത്തിന് പരിക്ക് ഒന്നുമില്ലെന്ന്‌ ഇടവേളയിൽ ഡോക്ടർ ഉറപ്പിച്ചത് ആയിരുന്നു എന്ന് വ്യക്തമാക്കിയ ആഴ്സണൽ പരിശീലകൻ ആർട്ടെറ്റ താരത്തിന് രണ്ടാം പകുതിയിൽ വേദന തോന്നിയത് പരിശോധന നടത്തും എന്നും പറഞ്ഞു. അയാക്സിൽ നിന്നു ആഴ്‌സണലിൽ എത്തിയ ടിംബറിന്റെ പരിക്ക് ഗുരുതരം ആവില്ല എന്നു തന്നെയാണ് ആഴ്സണൽ പ്രതീക്ഷ.
