ഏറെ നാളായി സ്പർസ് ആരാധകർ കാത്തിരുന്ന ദിവസം ക്ലബ്ബ് പ്രഖ്യാപിച്ചു. പുതുക്കി പണിത വൈറ്റ് ഹാർട്ട് ലൈൻ സ്റ്റേഡിയത്തിൽ ആദ്യ മത്സരം ഏപ്രിൽ 3 ന്. ക്രിസ്റ്റൽ പാലസിന് എതിരായ ലണ്ടൻ ഡർബിയാണ് അന്ന് അരങ്ങേറുക.
സ്പർസ് പുതിയ സ്റ്റേഡിയത്തിൽ തിയതി പ്രഖ്യാപിച്ചതോടെ മാഞ്ചസ്റ്റർ സിറ്റിക്ക് എതിരായ ചാമ്പ്യൻസ് ലീഗ് ക്വാർട്ടർ ഫൈനലും പുതിയ സ്റേഡിയത്തിലാകും അരങ്ങേറുക. ഏപ്രിൽ 9 നാണ് ഈ മത്സരം നടക്കുക. ഇതുവരെ വെംബ്ലി സ്റേഡിയമാണ് സ്പർസ് താത്കാലിക അടിസ്ഥാനത്തിൽ ഹോം ഗ്രൗണ്ട് ആയി ഉപയോഗിച്ച് വന്നത്.
