ഇംഗ്ലീഷ് പ്രീമിയർ ലീഗിൽ സ്പർസിന് ജയം. ബ്രയ്റ്റനെ എതിരില്ലാത്ത 1 ഗോളിന് മറികടന്നാണ് സ്പർസ് ടോപ്പ് 4 റേസിൽ തങ്ങളുടെ നില മെച്ചപ്പെടുത്തിയത്‌. എറിക്സൻ നേടിയ കിടിലൻ ഗോളാണ് സ്പർസിന് ജയം സമ്മാനിച്ചത്. ജയത്തോടെ 35 കളികളിൽ നിന്ന് 70 പോയിന്റ് ഉള്ള അവർ മൂന്നാം സ്ഥാനത്ത് തുടരും.
കളി വിരസമായ സമനിലയിൽ അവസാനിക്കും എന്ന ഘട്ടത്തിലാണ് ഡാനിഷ് മധ്യനിര താരം എറിക്സൻ രക്ഷക്ക് എത്തിയത്. 88 ആം മിനുറ്റിലാണ് ഗോൾ പിറന്നത് എന്നത് ബ്രയ്റ്റന്
ഏറെ നിരാശ സമ്മാനിക്കുന്ന ഒന്നായി. സമനില നേടിയിരുന്നെങ്കിൽ അവരുടെ റിലഗേഷൻ പോരാട്ടങ്ങൾക്ക് കൂടുതൽ ഊർജമാകുമായിരുന്നു.
