ഫ്രഞ്ച് പ്രതിരോധ താരം വില്യം സലിബ ആഴ്‌സണലിൽ കരാർ പുതുക്കുന്നതിനോട് അടുക്കുന്നു. നിലവിൽ ക്ലബും താരവും ആയി പുതിയ കരാറിന്റെ കാര്യത്തിൽ ഏതാണ്ട് ധാരണയിൽ എത്തിയത് ആയി ആണ് റിപ്പോർട്ട്. തുടർന്നുള്ള മണിക്കൂറുകളിൽ നിർണായക ചർച്ചകൾ ആവും കരാർ കാര്യത്തിൽ നടക്കുക.
നിലവിൽ ഒരു വർഷം കൂടിയാണ് ആഴ്‌സണലിൽ ഫ്രഞ്ച് യുവതാരത്തിന് കരാർ ബാക്കിയുള്ളത്. ഈ സീസണിൽ ടീമിന്റെ പ്രധാന കരുത്ത് ആയ സലിബയുടെ പരിക്ക് ആഴ്‌സണലിന് വലിയ തിരിച്ചടി ആണ് നൽകിയത്. പുതിയ കരാറിൽ ഒപ്പിട്ടാൽ ആഴ്‌സണലിൽ ഏറ്റവും കൂടുതൽ പ്രതിഫലം പറ്റുന്ന താരങ്ങളിൽ ഒരാൾ ആയി സലിബ മാറും എന്നാണ് റിപ്പോർട്ട്. നേരത്തെ ഗബ്രിയേൽ മാർട്ടിനെല്ലി, ബുകയോ സാക എന്നിവർ ആഴ്‌സണലിൽ കരാർ പുതുക്കിയിരുന്നു.
