2010-11 സീസണിലെ ഒരു മാഞ്ചസ്റ്റർ ഡെർബി, മത്സരം 1-1 നിലയിൽ അവസാന പത്ത് മിനിറ്റിലേക്ക് അടുക്കുന്നു. പന്ത് മിഡ്ഫീൽഡിൽ സ്കോൾസിൽ നിന്നും നാനിയിലേക്ക്. നാനി വിങ്ങിൽ നിന്നും ബോക്സിലേക്ക് ക്രോസ്സ് ചെയ്യുന്നു. വായുവിൽ ഉയർന്ന് ഒരു ഓവർഹെഡ് കിക്കിലൂടെ മാഞ്ചസ്റ്റർ യുണൈറ്റഡിന്റെ പത്തം നമ്പറുകാരൻ പന്ത് വലയിൽ എത്തിക്കുന്നു. ഓൾഡ് ട്രാഫോഡ് ഒന്നടങ്കം ഇളകി മറിച്ച ആ ഒരു ഗോൾ മതി റൂണി എന്ന ജീനിയസിൻറെ മാറ്ററിയിക്കാൻ.
മാർട്ടിൻ ടെയ്ലറുടെ ശബ്ദത്തിൽ “Rooney! It defies description! How about ‘sensational’? How about ‘superb’?” കമന്ററിയോടു കൂടെ ഈ ഗോൾ കണ്ടപ്പോൾ ഓരോ ഫുട്ബാൾ ഫാനും അതിശയിച്ചു നിന്നിട്ടുണ്ടാവും. പ്രീമിയർ ലീഗ് ചരിത്രത്തിലെ ഏറ്റവും മികച്ച ഗോളായി തിരഞ്ഞെടുത്ത ഈ ഓവർ ഹെഡ് കിക്കിന് ഇന്ന് 7 വയസ് തികയുന്നു. റൂണിയുടെ മികവിൽ യുണൈറ്റഡ് ഡെർബി വിജയിച്ചപ്പോൾ യുണൈറ്റഡ് കിരീടം നേടിയ സീസണിൽ, മത്സരത്തിലെ വിജയത്തോടെ കിരീടത്തിലേക്ക് ഒരു പടി കൂടെ അടുത്തു മാഞ്ചസ്റ്റർ യുണൈറ്റഡ്.
കൂടുതൽ കായിക വാർത്തകൾക്ക് : www.facebook.com/FanportOfficial
