മാഞ്ചസ്റ്റർ യുണൈറ്റഡ് സ്ട്രൈക്കർ റാസ്മസ് ഹൊയ്ലുണ്ടിന് പരിക്ക്. താരം മൂന്ന് ആഴ്ചയോളം പുറത്തിരിക്കും എന്നാണ് റിപ്പോർട്ടുകൾ വരുന്നത്. മാഞ്ചസ്റ്റർ യുണൈറ്റഡിന് വൻ തിരിച്ചടിയാണിത്. ഹൊയ്ലുണ്ട് ഫോമിൽ ആയതോടെ ആയിരുന്നു മാഞ്ചസ്റ്റർ യുണൈറ്റഡും ഫോമിലേക്ക് എത്തിയത്. അവസാന ആറ് പ്രീമിയർ ലീഗ് മത്സരങ്ങളിലും ഹൊയ്ലുണ്ട് ഗോൾ നേടിയിരുന്നു.
ലൂട്ടൺ ടൗണിൽ ഞായറാഴ്ച നടന്ന 2-1 വിജയത്തിൽ ഇരട്ട ഗോളുകളും താരം നേടിയിരുന്നു. ലൂക് ഷോയുടെ പരിക്കിന് പിന്നാലെ ഹൊയ്ലുണ്ട് കൂടെ പുറത്തായത് യുണൈറ്റഡിന് വൻ ആശങ്ക നൽകും. മറ്റൊരു സ്ട്രൈക്കർ യുണൈറ്റഡ് ടീമിൽ ഇല്ല. മാഞ്ചസ്റ്റർ ഡർബി അടക്കം ഹൊയ്ലുണ്ടിന് നഷ്ടമായേക്കും.
