മാഞ്ചസ്റ്റർ യുണൈറ്റഡ് താരങ്ങളെ തേടി മറ്റു ക്ലബുകൾ വരുന്നതിൽ സന്തോഷമേ ഉള്ളൂ എന്ന് പരിശീലകൻ ടെൻ ഹാഗ്. മാഞ്ചസ്റ്റർ ഫോർവേഡ് മാർക്കസ് റാഷ്‌ഫോർഡിനായി പി എസ് ജി രംഗത്തുള്ളതിനെ കുറിച്ച് സംസാരിക്കുക ആയിരുന്നു ടെൻ ഹാഗ്. ലോകകപ്പിൽ നിന്ന് മടങ്ങിയതിന് ശേഷം ഒമ്പത് മത്സരങ്ങളിൽ ഒമ്പത് ഗോളുകൾ നേടി മികച്ച ഫോമിൽ ആണ് റാഷ്ഫോർഡ് ഉള്ളത്. ഈ സീസണിൽ ആകെ 17 ഗോളുകൾ നേടി റാഷ്ഫോർഡ് യുണൈറ്റഡിന്റെ ടോപ് സ്കോറർ ആണ്. ടീമിന്റെ പരിശീലകനായ ടെൻ ഹാഗ്, റാഷ്ഫോർഡിന്റെ പ്രകടനങ്ങളെ പ്രശംസിക്കുകയും മാൻ യുണൈറ്റഡ് തന്റെ ക്ലബ്ബാണെന്ന് റാഷ്ഫോർഫ്ഡ് മനസ്സിലാക്കുന്നുവെന്നും പറഞ്ഞു.
ഈ ടീമിൽ റാഷ്ഫോർഡ് തന്റെ ഏറ്റവും മികച്ച ഫുട്ബോൾ കളിക്കുന്നുണ്ടെന്നും ടീമിന് താൻ പ്രധാനമാണെന്ന് റാഷ്ഫോർഡിന് അറിയാമെന്നും അദ്ദേഹം പറഞ്ഞു. ടീം മികച്ച പ്രകടനം കാഴ്ചവയ്ക്കുന്നത് മറ്റ് ക്ലബ്ബുകളിൽ നിന്ന് എല്ലാ കളിക്കാർക്കും വേണ്ടി ഓഫറ്യ്കൾ ലഭിക്കുന്നത് എന്നുൻ കോച്ച് ടെൻ ഹാഗ് പറഞ്ഞു.
ഡിസംബറിൽ റാഷ്ഫോർഡിന്റെ കരാർ ഒരു വർഷത്തേക്ക് മാഞ്ചസ്റ്റർ യുണൈറ്റഡ് നീട്ടിയിരുന്നു. 2024-ൽ ആണ് റാഷ്ഫോർഡിന്റെ കരാർ അവസാനിക്കുന്നത്. മാഞ്ചസ്റ്റർ യുണൈറ്റഡ് ആഗ്രഹിക്കുന്ന സക്സസ് നേടണമെങ്കിൽ ടീമിൽ റാഷ്ഫോർഡ് വേണമെന്നും ടെൻ ഹാഗ് പറഞ്ഞു
