പ്രീമിയർ ലീഗിൽ ചരിത്രം കുറിച്ച് ബ്രൂണൊ ഫെർണാണ്ടസ്

Img 20210115 174924
- Advertisement -

ഇംഗ്ലീഷ് പ്രീമിയർ ലീഗിലെ ഒരിക്കൽ കൂടെ മികച്ച താരത്തിനുള്ള പുരസ്കാരം ബ്രൂണൊ ഫെർണാണ്ടസിന് ലഭിച്ചു. ഡിസംബറിൽദ് മികച്ച താരത്തിനുള്ള പുരസ്കാരം ആണ് മാഞ്ചസ്റ്റർ യുണൈറ്റഡിന്റെ അറ്റാക്കിംഗ് മിഡ്ഫീൽഡർ ബ്രൂണോ ഫെർണാണ്ടസ് സ്വന്തമാക്കിയിരിക്കുന്നത്. പ്രീമിയർ ലീഗിൽ എത്തി നാലാം തവണയാണ് ബ്രൂണോ ഈ പുരസ്കാരത്തിന് അർഹനായിർക്കുന്നത്.

ഒരു വർഷത്തിൽ തന്നെ നാലു തവണ ഈ പുരസ്കാരം ഒരു താരം നേടുന്നത് ഇതാദ്യമായാണ്. നേരത്തെ ഫെബ്രുവരിയിലും ജൂണിലും നവംബറിലും ബ്രൂണൊ ഫെർണാണ്ടസ് ലീഗിലെ മികച്ച താരമായിരുന്നു. ഡിസംബർ മാസത്തിൽ പ്രീമിയർ ലീഗിൽ നാല് അസിസ്റ്റും ഒപ്പം മൂന്ന് ഗോളും നേടാൻ ബ്രൂണോക്ക് ആയിരുന്നു. ബ്രൂണോയുടെ മികവിൽ മാഞ്ചസ്റ്റർ യുണൈറ്റഡ് ഈ സീസണിലെ ലീഗിൽ ഒന്നാമത് നിൽക്കുകയാണ് ഇപ്പോൾ. 4 തവണ ഈ പുരസ്കാരം നേടിയിട്ടുള്ള ക്രിസ്റ്റ്യാനോ റൊണാൾഡോയ്ക്ക് ഒപ്പം എത്താനും ബ്രൂണൊ ഫെർണാണ്ടസിന് ഇതോടെ ആയി.

Advertisement